Таниқли футболчиларнинг афоризмлари
напечатать
Просмотров: 452 
«Мен футболни яхши кўраманми, демак, ўзимни яхши кўраман» — Криштиану Роналду.
«Сен биринчи бўлсанг, биринчисан, лекин иккинчи бўлсанг ҳеч кимсан» — Роналду.
«Мен ҳаммасини тушундим ва бажардим. Аммо 19 ёшимда дунёга машҳур бўлишимни ақлимга сиғдиролмасдим. Бу орзуларимнинг рўёбга чиқиши» — Рафаэль Варан.
«Мен отамни унчалик ҳам тушунмасдим. Лекин бир гапини ҳеч қачон унутмайман, у менга «Тўхтама, ўғлим» дерди. Бу гап ҳаётимда муҳим ўрин тутди. Унга раҳмат айтаман» — Криштиану Роналду.
«Унутма — ўта оддий нарсани мураккаблаштириб юборсанг, ўзинг ҳам қўрқиб кетасан» — Икер Касильяс.
«Сардор бўлишни хоҳлайсанми? Марҳамат, қадрингни билсанг бўлгани» — Серхио Рамос.
«Футбол — мухлисларнинг меҳри, мураббийнинг миннатдорчилиги, ишқибозларнинг қўрқуви ва ота-онангизнинг фахр ҳиссини туйиши» — Месут Ўзил.
«Пешона терисини тўкмай, жароҳатланмай туриб катта ғалабаларга эришиб бўлмайди» — Кака.
«Моуринью ёки Фергюсон? Бу икки инсон «Феррари» ва «Порше» кабидир. — Криштиану Роналду.
«Майдондаги рақиб душман эмас, у ҳурматга лойиқ. Чунки у атиги 90 дақиқа рақобат қилади, кейин эса дўстга айланиши мумкин» — Анхель Ди Мария.
«Менга қимматбаҳо бутси керак эмас, ажойиб майдон бўлса бас» — Криштиану Роналду.
«Ўйинчиларни танқид қилишдан олдин ўзингиз бунга арзийсизми, йўқми, шуни эсдан чиқарманг» —Жозе Моуринью.
«Мен болалигимда бир марта қароримни ўзгартирганман. Ўшанда менга ишонч билдиргани учун ота-онамга раҳмат айтаман» — Карим Бензема.
«Ишонч билан айтаман, агар Хави ёки Иньеста бўлмаса ҳеч нарса қила олмаслигим бўлмаган гап» — Лионель Месси.
«Ҳатто ойлик тўлашмаса ҳам футбол ўйнайвераман» — Месси.
«Мен юлдузларни сотиб олмайман, мен юлдуз тарбиялайман» — Арсен Венгер.
«Футбол жамоаси чиройли аёлларга ўхшайди. Гўзаллигини эслатиб турмасанг, эсидан чиқариб юборади» — Арсен Венгер.
