Осиё кубоги-2015га кенгайтирилган футболчилар рўйхати 9 ноябргача топширилади

Осиё кубоги-2015да иштирок этадиган 16та терма жамоа шу йилнинг 9 ноябрига қадар кенгайтирилган рўйхатини ОФКга юбориши керак. Терма жамоалар кенгайтирилган рўйхатга 50 нафар футболчини киритишлари мумкин.

Австралиядаги мусобақа бошланишига 10 кун қолганида якуний рўйхат 23тагача қисқартирилади. Бирорта футболчи жароҳат оладиган бўлса, терма жамоанинг биринчи ўйини бошланишига бир кун қолгунга қадар унинг ўрнига бошқа ўйинчини алмаштирилиши мумкин. 

Эслатиб ўтамиз, Ўзбекистон терма жамоаси Осиё кубогининг "В" гуруҳида Саудия Арабистони, Хитой ва КХДР терма жамоалари билан баҳс олиб боради. Мусобақа 9 январь куни бошланади.